Një qytetar i është drejtuar redaksisë së JOQ Albania për të kërkuar ndihmën e qytetarëve në gjetjen e gjyshit të tij të humbur.
Bëhet fjalë për 80-vjeçarin me emrin Mersin, i cili vuan nga probleme të kujtesës dhe nuk mban mend asgjë përveç emrit të tij. Ai është parë për herë të fundit rreth orës 12:30 – 13:00 në kryqëzimin e 21-shit, pranë Spitalit Gjerman në Tiranë. Në fytyrë ka një plagë të dukshme në hundë, siç shihet edhe në foto.
Familjarët janë tepër të shqetësuar dhe apelojnë për ndihmën e kujtdo që mund ta ketë parë.
Nëse keni ndonjë informacion, ju lutemi telefononi menjëherë në numrin: 0683511450
Çdo minutë është e rëndësishme për ta gjetur sa më parë dhe shëndoshë e mirë gjysh Mersinin!
