Mjekja mikrobiologe e njësisë vendore të Kujdesit Shëndetësor në qytetin e Gramshit, Dafina Shtylla, ka folur për helmimin e fëmijëve në kopshtin publik nr.1 në Gramsh.
Mjekja deklaron se janë 5 raste me salmonelë dhe shprehet se situata nuk paraqitet e lehtë.
“Është situatë jo e lehtë por ne do ta përballojmë. Salmonela është e vështirë të ekzaminohet në analiza, por ne kemi marrë përgjigje nga laboratori i referimit në ISHP se janë deri tani 5 raste me salmonelë. Kjo sëmundje bakteriale zakonisht merret nga goja ndaj dhe njihet më së shumti “sëmundja e duarve të palara”, tha Dafina Shtylla.
