Në zonën e markatës së madhe në Elbasan, një i moshuar ndodhet në kushte të skajshme mjerimi.
Ai fle në rrugë, në shi dhe në diell, dhe jetesa e tij varet vetëm nga ndihma e kalimtarëve.
Qytetarë të shumtë kanë ngritur shqetësimin për gjendjen e tij shëndetësore dhe higjienike, duke apeluar për ndërhyrje të institucioneve përgjegjëse dhe solidaritet nga komuniteti.
“Gjendja e tij është e rëndë. Nuk ka askënd, nuk ka ndihmë. Rri i vetëm, fle aty, dhe ushqehet vetëm kur i japin kalimtarët. Ju lutem bëjmë diçka së bashku”, thuhet në një mesazh drejtuar redaksisë.
Qytetarët e Elbasanit shpresojnë se ky rast do të marrë vëmendjen e duhur dhe këtij të moshuari t’i ofrohet ndihma që meriton.
