Posta e Kosovës ka filluar operimin në veri të vendit kohë më parë duke u vendosur në hapësirat e ndryshme në këtë pjesë të vendit.
Sot zyret e Postes së Kosovës u vendosen edhe në një objekt të vogël që dikur përdorej nga Posta e Serbisë.
Objekti i përzgjedhur për operimin e Postës së Kosovës ndodhet në një zonë të ndjeshme dhe me rëndësi të veçantë , ku më herët funksiononte një zyrë e vogël postare e Serbisë. Kjo lëvizje simbolike dhe funksionale përforcon përkushtimin e institucioneve të Republikës së Kosovës për të ofruar shërbime publike për të gjithë qytetarët, pa dallim vendbanimi.
Vendosja e Postës së Kosovës në këtë lokacion është një hap konkret drejt shtrirjes së sovranitetit dhe integrimit të plotë institucional në veri, duke i ofruar qytetarëve të asaj ane mundësinë për të përfituar nga shërbimet postare zyrtare të shtetit të Kosovës.
