Mashtrimet me para të falsifikuar janë një fenomen që po vjen gjithnjë e në rritje, ku sa vjen e më shumë biznese po bien preh e këtyre kurtheve.
Së fundmi, shoferi i një taksie në Tiranë i është drejtuar redaksisë sonë për të bërë një denoncim të ngjashëm. Ai tregon me pamje se si dy djem të rinj e mashtruar me pagesën e taksisë.
Taksisti thotë se i mori djemtë te ish- Fusha e Aviacionit, dhe i dërgoi ata përballë pallatit të sportit Asllan Rusi. Në momentin që kanë bërë pagesën, djemtë i kanë dhënë shoferit një 20 eurosh fallco të cilin e mbanin me vete.
Shoferi nuk e ka parë menjëherë, por më vonë ka kuptuar se ai veprim i ka kushtuar ditën e tij të punë. Taksisti kërkon që kolegët e tij të bëjë kujdes nga dy mashtruesit që xhepat i kanë të mbushur me para fallco.
“Jam shofer taxie qe punoj ne nje kompani. Dua te bej nje denoncim lidhur me 2 persona(djem te rinj) te cilet i mora tek ish fusha aviacionit dhe kane zbritur perball pallatit te sportit Asllan Rusi, ku pagesen e kryen ne € te cilat kan qene fallco. Bashkangjitur me denoncimin po ju nis videot e personave,” shkruan ai.
