Gëzime dhe Flamur Sula, prindërit e studentes shqiptare Ilaria Sula e cila u vra në Itali nga i dashuri i saj Mark Samson, kanë përkujtuar vajzën e tyre këtë të martë, kur ajo do të festonte datëlindjen e saj të 23-të.
Me rastin e datëlindjes, prindërit e saj kanë vendosur të ngrenë një përkujtimore në vendin ku trupi i saj u gjet pa shenja jete i mbyllur brenda një valixhe, e cila ishte hedhur mes shkurreve të zonës, në periferi të Romës.
“Ke qenë dhurata ime më e bukur, gëzuar datëlindjen princesha ime! Më mungon shkumë,” shkroi babai i Ilarias në një postim në rrjetet sociale.
Mediat italiane kanë raportuar se dhe nëna e së resë ka prekur me një dedikim nga vendi i ngjarjes. Ajo ka thënë: “Do të të dërgoj një puthje me erën dhe e di që do ta ndjesh.
Ilaria humbi jetën në datën 25 mars të këtij viti, pas një sulmi brutal me thikë nga i dashuri i saj Mark Samson. Ky i fundit e mbajti trupin një natë në shtëpi, dhe të nesërme e futi në qese të zeza dhe valixhe, duke e hedhur në një zonë të pyllëzuar.
Pasi ngjarja u zbulua, Samson u arrestua nga autoritetet dhe bashkë me të edhe nëna Nors Manlapaz, që dyshohet se e ndihmoi për të fshehur krimin.
Ngjarja bëri bujë në mediat italiane por edhe në vendin tonë, duke shokuar opinionin publik.
