Një ngjarje e rëndë ka ndodhur mesditën e sotme në fshatin Suk 2 në Roskovec, ku sipas policisë, një vajzë 4-vjeçe ka humbur jetën.
Bëhet e ditur se rreth orës 12:40, është shembur një mur që ishte në pronësi të shtetasit me inicialet L. T., dhe ka zënë poshtë vajzën e tij të mitur 4-vjeçe, e cila ishte duke luajtur pranë tij.
Si pasojë e lëndimeve vajza e vogël nuk ka mundur të mbijetojë dhe është dërguar në spital pa shenja jete.
Njoftimi i policisë:
Fier/Informacion paraprak
Rreth orës 12:40, në fshatin Suk 2, Roskovec, dyshohet se është shembur një mur rrethues në pronësi të shtetasit L. T., dhe për pasojë ka zënë poshtë vajzën e tij të mitur rreth 4 vjeçe, e cila ka ndërruar jetë.
Grupi hetimor po punon për zbardhjen e rrethanave të ngjarjes.
