Edhe pse ndodhen fare pranë Tiranës, një pjesë e banorëve të Baldushkut vijojnë të përballen me mungesën e infrastrukturës bazë. Një qytetar nga kjo zonë i është drejtuar redaksisë sonë për të denoncuar gjendjen e rrugës që të çon drejt lagjes ku jetojnë rreth 20 familje.
Sipas tij, rruga mbetet e pashtruar në një segment prej 1 kilometri, duke filluar nga pika ku përfundon asfalti. Banorët shprehen të zhgënjyer, pasi gjatë fushatës së zgjedhjeve të 11 majit u është premtuar ndërhyrje për shtrimin e rrugës, por premtimi nuk u mbajt.
Ata thonë se prej 13 vitesh jetojnë në të njëjtën situatë, pa asnjë zgjidhje nga autoritetet, të cilave u bëjnë thirrje për ndërhyrje.
“Përshëndetje JOQ Albania, në fshatin Baldushk kemi 13 vite pa rrugë. Jemi 20 banesa dhe rruga është 1 km. Na premtuan gjatë fushatës që do ta rregullonin, por nuk u bë asgjë”, shkruan denoncuesi.
