Prej muajit shkurt 2025, banorët e një pallati në rrugën Jordan Misja në Tiranë po përballen me një problem të rëndë, pasi ujërat e zeza kanë pushtuar garazhin e ndërtesës së tyre.
Denoncimi u bë fillimisht publik nga JOQ Albania, ku u tregua se në garazhin e pallatit “Agibes Halili”, tubacionet ishin çarë dhe ujërat e ndotura derdheshin me shpejtësi, duke përmbytur hapësirat ku ishin parkuar automjetet. Banorët u kërkuan institucioneve përgjegjëse, si UKT dhe Policia Bashkiake, të ndërhynin urgjentisht, pasi situata ishte bërë e padurueshme.
Por, pavarësisht apelit, tre muaj më vonë problemi mbetet ende i pazgjidhur. Tubacionet vazhdojnë të rrjedhin, ndërsa askush nuk ka marrë masa për riparimin e dëmeve. Banorët janë të revoltuar dhe ndihen të braktisur, duke thënë se po sorollaten pa gjetur asnjë zgjidhje.
Ky rast tregon qartë për cilësinë e dobët të punimeve në shumë pallate të Tiranës, ku ndërtimet shpesh kryhen me standarde të dobëta, siç ndodh edhe me pallatin “Agibes Halili”.
“Na mbytën ujërat e zeza te Jordan Misja, te Agibes Halili SHPK,” shkruan një nga banorët e prekur.
Ata kërkojnë ndërhyrje të menjëhershme për zgjidhjen e këtij problemi që nuk po i lë të qetë.
Prej muajit shkurt 2025, banorët e një pallati në rrugën Jordan Misja në Tiranë po përballen me një problem të rëndë, pasi ujërat e zeza kanë pushtuar garazhin e ndërtesës së tyre.
— JOQ Albania (@JoqAlbania) May 17, 2025
Denoncimi u bë fillimisht publik nga JOQ Albania, ku u tregua se në garazhin e pallatit “Agibes… pic.twitter.com/kL2taHLTzu
