Në vendin tonë vazhdojnë të ndodhin aksidente tragjike çdo ditë, shumica e të cilave janë rezultat i kalimeve të paligjshme të këmbësorëve mes autostradave dhe trafikndarëseve.
Megjithëse veprime të tilla janë të ndaluara nga ligji, pasi rrezikohet vetë jeta e këmbësorëve por edhe përdoruesve të tjerë të rrugës, rastet vazhdojnë të shtohen.
Ky fenomen shqetësues ngre alarmin për nevojën e marrjes së masave të rrepta nga institucionet përkatëse. Ekspertët theksojnë se është e domosdoshme izolimi fizik i hyrjeve të këmbësorëve në segmentet e rrugëve me qarkullim të shpejtë, si dhe shtimi i kontrolleve për të parandaluar aksidentet. Vetëm përmes ndërhyrjeve të tilla mund të garantohet siguria e të gjithëve dhe të shmangen ngjarjet tragjike që po ndodhin çdo ditë.
