CNN rendit Shqipërinë të parën në Eurovizion: ‘Zjerm’ kryeson listën e 26 këngëve finalisteve

Në një artikull të publikuar së fundmi nga prestigjiozja CNN, Shqipëria është renditur në vendin e parë ndër 26 këngët finaliste të Eurovision-it 2025, duke u vlerësuar si performanca më e mirë e këtij edicioni.

Për Shqipërinë, performanca e Shkodra Elektronike me këngën “Zjerm” përshkruhet si një duet i pazakontë mes një zotërie tullac plot intensitet dhe një këngëtareje që duket sikur ka qenë pjesë e ndonjë kulti.

Dyshja nuk janë fare admirues të Eurovision, me Beatriçe Gjergjin që thotë për CNN se “nuk është lloji ynë i muzikës”. Megjithatë, kjo distancë është pikërisht forca e tyre, duke sjellë një performancë krejtësisht të veçantë që ka ndezur entuziazmin e fansave.

Më poshtë është renditja e të 26 këngëve finaliste nga CNN, nga më e mira tek ajo më pak e pëlqyera:

1. Shqipëri: Shkodra Elektronike, “Zjerm”
2. Austri: JJ, “Wasted Love”
3. Finlandë: Erika Vikman, “Ich Komme”
4. Zvicër: Zoë Më, “Voyage”
5. Francë: Louane, “Maman”
6. Itali: Lucio Corsi, “Volevo Essere Un Duro”
7. Luksemburg: Laura Thorn, “La Poupée Monte Le Son”
8. Suedi: KAJ, “Bara Bada Bastu”
9. Danimarkë: Sissal, “Hallucination”
10. Maltë: Miriana Conte, “Serving”
11. Estoni: Tommy Cash, “Espresso Macchiato”
12. Ukrainë: Ziferblat, “Bird of Pray”
13. Holandë: Claude, “C’est La Vie”
14. Greqi: Klavdia, “Asteromáta”
15. Letoni: Tautumeitas, “Bur Man Laimi”
16. Poloni: Justyna Steczkowska, “GAJA”
17. Norvegji: Kyle Alessandro, “Lighter”
18. Islandë: VÆB, “Róa”
19. Spanjë: Melody, “Esa Diva”
20. Izrael: Yuval Raphael, “New Day Will Rise”
21. Gjermani: Abor & Tynna, “Baller”
22. Lituani: Katarsis, “Tavo Akys”
23. Portugali: Napa, “Deslocado”
24. Mbretëri e Bashkuar: Remember Monday, “What The Hell Just Happened?”
25. San Marino: Gabry Ponte, “Tutta L’Italia”
26. Armeni: PARG, “Survivor”

Finalja e madhe e Festivalit Evropian të Këngës 2025 do të mbahet mbrëmjen e nesërme, në arenën St. Jakobshalle në Bazel të Zvicrës.

Shqipëria do të përfaqësohet nga grupi Shkodra Elektronike me këngën "Zjerm", e cila do të mbyllë natën finale si performanca e 26-të.