Procesi i numërimit në ambientet e KZAZ në Kashar është ndërprerë pas një sherri që ka dalë jashtë kontrollit.
Vëzhguesit e kandidatit Orndalo Rakipi kanë goditur me grusht kryetarin e Komisionit Zonal të Administrimit të Zgjedhjeve (KZAZ), duke shkaktuar ndërprerjen e menjëhershme të procesit të numërimit.
Ngjarja ndodhi në prani të komisionerëve dhe vëzhguesve të tjerë, duke shkaktuar tension të madh në sallë dhe ndërhyrjen e forcave të sigurisë. Ende nuk ka një reagim zyrtar nga Komisioni Qendror i Zgjedhjeve për këtë incident.
Rikujtojmë se në Tiranë janë numëruar 839 nga 1282 kuti votimi për votat preferenciale. Më i votuari në Tiranë deri tani është Blendi Gonxhja, me afro 16 mijë vota, i ndjekur nga ministri i Brendshëm Ervin Hoxha dhe senatorët e PS-së, Erion Braçe, Fatmir Xhafaj dhe Orndaldo Rakipi që gjithashtu ka marrë një numër të konsiderueshëm votash.
