Dhuna rikthehet sërish në futbollin shqiptar, këtë herë në finalen e Kupës së Shqipërisë për moshat U-19, e zhvilluar mbrëmjen e sotme në “Shtëpinë e Futbollit”.
Pas fitores së Teutës ndaj Tiranës me rezultatin 2-1, situata doli jashtë kontrollit, duke u shoqëruar me përplasje fizike mes lojtarëve të të dyja ekipeve. Pamjet filmike tregojnë se në sherr janë përfshirë jo vetëm futbollistët, por edhe anëtarë të stafit dhe tifozë të pranishëm.
Ndeshja u vendos nga dopieta e Devit Dermiçanit për Teutën (minutat 57’ dhe 88’), ndërsa për Tiranën shënoi në shtesë Valentin Përgjoni (90+3’). Fatkeqësisht, epilogu i finales u shënua jo nga sportiviteti, por nga skenat e dhunës.
