Procesi i numërimit të votave po shkon drejt fundit dhe lodhja, kaosi e tensioni duken lehtësisht në fytyrat e numëruesve dhe vëzhguesve nëpër KZAZ.
Por një numërues i Partisë Demokratike duket se e ka marrë me sportivitet humbjen të partisë së tij dhe ka dhuruar disa momente gazmore për kolegët që kanë orë të tëra në punë.
Teksa numëronte votat në KZAZ e shkollës "Vasil Shanto", ai filloi të bërtasë me zë të lartë emrat e partive, duke sjellë një moment argëtues për të gjithë të pranishmit. Ndërsa momenti kulminant erdhi teksa numëronte votat për Partinë Socialiste, ai nisi të thërrasë me zë të lartë emrin e Erion Braçes, i cili ndodhej aty si vëzhgues dhe nisi të qeshte dhe ta filmonte.
Reagimi i tij jo i zakontë por simpatik, u prit me buzëqeshje e duartrokitje nga kolegët dhe vëzhguesit në sallë.
