Një zhvillim befasues ka ndodhur në qarkun e Tiranës: Jorida Tabaku, një nga figurat kryesore të Partisë Demokratike, pritet të mbetet jashtë Parlamentit në mandatin e ri.
Sipas projeksioneve më të fundit, Partia Mundësia ka arritur të sigurojë mandatin e saj të dytë në Tiranë, duke i dhënë një vend në Kuvend edhe Erald Kaprit, përveç Agron Shehajt.
Ky rezultat ka ngushtuar ndjeshëm hapësirat për koalicionin PD-ASHM, i cili tashmë ka të garantuar vetëm një mandat jashtë listës së mbyllur. Ky mandat, sipas të dhënave aktuale, i takon Ilir Alimehmetit — duke e lënë jashtë Jorida Tabakun, pavarësisht profilit të saj të lartë politik dhe angazhimit ndër vite në opozitë.
Në Tiranë mbeten ende për t’u numëruar mbi 20 kuti votimi, por trendi i deritanishëm lë pak hapësirë për ndryshime.
