Ka përfunduar numërimi i votave në Bashkinë Kavajë dhe Partia Demokratike-Aleanca për Shqipërinë Madhështore ka fituar me shumicë votash.
Sipas të dhënave zyrtare nga KQZ, PD ka siguruar 10626 vota ose 53.75% të totalit të përgjithshëm, ndërsa Partia Socialiste 7727 vota ose 39.08% të votave.
Forcë e tretë në këtë bashki ka dalë Partia Socialdemokrate që ka marrë 384 vota.
Ndërkohë edhe në Dibër ka përfunduar procesi i numërimit të votave dhe Partia Socialiste ka fituar 56.19% ose 32146 vota, PD 21790 vota ose 38.09% dhe PSD 1315 vota. Në këtë qark, PS ka fituar në të gjitha bashkitë dhe në parlamentin e ardhshëm do përfaqësohet në parlament nga 3 deputetë.
Në rang vendi, procesi i numërimit të votave ende nuk ka mbaruar pasi janë edhe 273 qendra votimi për t'u numëruar.
