Teksa vijon procesi i numërimit të votave për subjektet politike, paralelisht po numërohen edhe votat e ardhura nga diaspora. Deri më tani, janë hapur 10 056 zarfe nga 194 889 gjithsej .
Sipas rezultateve të deritanishme, Partia Socialiste kryeson bindshëm me 5 573 vota, që përbëjnë 55.80% të totalit të votave të numëruara deri më tani. Pas saj renditet Partia Demokratike me 2 814 vota ose 28.17%. Koalicioni "Nisma Shqipëria Bëhet" ka siguruar 811 vota, duke përfaqësuar 8.12% të votave nga diaspora.
Partia Mundësia ka arritur të grumbullojë 301 vota, Lëvizja Bashkë 217 vota, Partia Socialdemokrate 104 vota, ndërsa Partia Koalicioni Euroatlantik ka marrë 71 vota.
