Deri më tani janë numëruar 3,053 nga 5,225 kuti votimi për zgjedhjet e së dielës që lamë pas. Procesi i numërimit ende nuk ka nisur në të gjitha qarqet, por janë përpunuar kutitë e para në të 12 qarqet e vendit.
Partia Socialiste kryeson me 423,880 vota, që përfaqësojnë 52.7% të totalit të deritanishëm. Pas saj vjen PD-ASHM me 272,425 vota, ose 33.9%.
Si forcë e tretë renditet Partia Social-demokrate e Tom Doshit me 29,736 vota, ndërsa në vend të katërt vjen "Shqipëria Bëhet" e Adriatik Lapajt me 28,651 vota.
Partia Mundësia ka arritur në 22,550 vota, ndërsa Lëvizja Bashkë ka marrë deri tani 10,704 vota.
Rezultatet sipas partive pjesëmarrese në zgjedhje:
Partia Socialiste e Shqipërisë (PS) – 423,880 vota – 52.7%
Koalicioni Partia Demokratike – Aleanca për Shqipërinë Madhështore (PD-ASHM) – 272,425 vota – 33.9%
Partia Socialdemokrate (PSD) – 29,736 vota – 3.7%
Partia Mundësia – 22,550 vota – 2.8%
Partia Koalicioni Euroatlantik (KEA) – 9,425 vota – 1.2%
Partia Aleanca Kombëtare Shqiptare (AKSH) – 1,567 vota – 0.2%
Partia Aleanca Demokracia e Re (ADR) – 578 vota – 0.1%
Koalicioni Nisma Shqipëria Bëhet (NISMA-SHB) – 28,651 vota – 3.6%
Lëvizja Bashkë – 10,704 vota – 1.3%
Koalicioni Djathtas për Zhvillim (DZH) – 2,920 vota – 0.4%
Lëvizja Atdheu (LA) – 1,181 vota – 0.1%
