Numërimi elektronik në Qarkun e Tiranës, konkretisht në Bashkinë e Vorës dhe në Njësinë nr. 10, ka dhënë projeksionet e para për renditjen e kandidatëve më të votuar nga lista e hapur e Partisë Socialiste.
Sipas rezultateve paraprake, PS ka siguruar 19 mandate deputetësh në këtë qark. Prej tyre:
12 mandate janë fituar përmes votës për logon e partisë, që i përkasin listës së sigurt.
7 mandate do të shpërndahen mes kandidatëve që kanë marrë më shumë vota preferenciale.
Më të votuarit nga radhët e socialistëve:
Blendi Gonxhja – 5,080 vota (Vorë + Njësia nr. 10)
Fatmir Xhafaj – 1,880 vota
Erion Braçe – 912 vota
Ervin Hoxha – 615 vota
Ornaldo Rakipi – 569 vota
Anila Denaj – 346 vota (përfiton nga kuota gjinore)
Julinda Dhame – 276 vota (përfiton nga kuota gjinore)
Jashtë projeksionit:
Pandeli Majko, një prej figurave të vjetra të PS-së, nuk arrin të sigurojë mandat, pasi është lënë pas nga Xhemal Qefalia dhe Ylli Shehu.
Ndërkohë në Partinë Demokratike, doktori Ilir Alimehmeti është më i votuari me 1115 vota, Jorida Tabaku është e dyta me 996 vota (përfiton nga kuota gjinore) dhe Myslim Murrizi i treti me 761 vota.
