Procesi i numërimit të votave ka nisur para pak çastesh në qarkun e Korçës, ku janë në lojë 11 mandate për Kuvendin e Shqipërisë. Numërimi ka filluar fillimisht në bashkinë e Pustecit, ndërkohë që paralelisht është hapur edhe procesi i shqyrtimit të zarfeve me vota të ardhura nga diaspora për këtë qark.
Nga kutia e parë e hapur në Pustec, Partia Socialiste ka dalë në avantazh me 130 vota, ndërsa koalicioni opozitar i Partisë Demokratike ka marrë 52 vota.
Ndërkohë, partitë e reja dhe alternativat politike kanë marrë këto rezultate:
– Partia “Mundësia” e Agron Shehajt – 3 vota
– Aleanca Kombëtare Shqiptare (AKSH) e Elena Kocaqit – 1 votë
– “Lëvizja Bashkë” e Arlind Qorrit – 1 votë
– Koalicioni “Nisma Shqipëria Bëhet” i Adriatik Lapajt – 1 votë
Sipas të dhënave paraprake nga Komisioni Qendror i Zgjedhjeve, pjesëmarrja në votime për qarkun e Korçës ka qenë 42.16%.
