Procesi i numërimit të votave ka nisur në Komisionin Zonal të Administrimit Zgjedhor nr. 27 në Vorë, një nga dy zonat në vend ku u përdor votimi elektronik gjatë zgjedhjeve parlamentare të 11 majit. Deri tani ka përfunduar numërimi për 6 qendra votimi, ku në katër prej tyre kryeson koalicioni opozitar PD-ASHM, ndërsa në dy prej tyre kryeson PS.
Në total, PD-ASHM ka marrë 522 vota ndërsa PS ka marrë 501 vota.
Pas përfundimit të numërimit për këto qendra votimi, Komisioni Qendror i Zgjedhjeve ka vendosur pezullimin e procesit, ndërkohë që shpallja e rezultatit përfundimtar të votimit elektronik në këtë bashki pritet të bëhet paraditen e së hënës.
Sipas raportimeve nga mediat në terren, rezultatet paraprake të këtyre gjashtë qendrave janë si më poshtë:
QV 2037
-PD-ASHM – 111 vota -PS – 87 vota
QV 2038
– PD-ASHM – 106 vota -PS – 74 vota
QV 2038/01
-PD-ASHM – 129 vota -PS – 68 vota
QV 1558
-PD-ASHM – 42 vota -PS – 124 vota
QV 1301
-PD-ASHM – 35 vota -PS – 85 vota
QV 2037/01
-PD-ASHM – 99 vota -PS – 63 vota
Këto janë të dhëna paraprake dhe jo zyrtare. Për publikun, rezultatet përfundimtare pritet të bëhen të ditura të hënën në mëngjes, rreth orës 8 ose 9, siç ka deklaruar më herët Kryekomisioneri Celibashi.
