Një qytetar i është drejtuar redaksisë sonë për të shprehur shqetësimin e tij në lidhje me cilësinë e bojës që përdoret për të shënuar gishtat e votuesve pas votimit.
Ai tregon se në orën 08:00 të mëngjesit ka ushtruar të drejtën e votës në zonën e Domjes, Tiranë. Por, sipas tij, vetëm tre orë më pas, boja në gisht ishte zhdukur plotësisht vetëm me një larje të thjeshtë.
Për këtë arsye, qytetari i drejton një pyetje Komisionit Qendror të Zgjedhjeve: Sa ka kushtuar tenderi për bojën që përdoret në procesin e votimit dhe a ekziston rreziku që dikush të mund të votojë më shumë se një herë, duke qenë se shenja e bojës fshihet kaq lehtë?
Qytetari shkruan: Jam nje qytetar dhe votues ne domje tirane, kam votuar rreth ores 8 dhe në oren 11 verej se per 3 ore boja e gishtit me eshte fshire shum lehte me nje larje duarsh me sapun apo detergjent. Dua te dij kjo pyetje shkon per KQZ, sa i ka kushtuar tenderi i blerjes bones gishtit, dhe a ben problem per votim per here te dyte cdo qytetar.
