Një tjetër rast i shkeljes së rregullave zgjedhore është regjistruar sot në një qendër votimi në Librazhd, ku një qytetar është kapur duke fotografuar fletën e votimit me celularin e tij.
Sapo është vënë re nga komisionerët, qytetari ka tentuar të largohet, por është neutralizuar. Ai thotë se do ta fshijë fotografinë dhe kërkon ta lenë rehat: “Me telefonin tim nuk ke punë. Ik se e fshiva, e fshiva. Na lini rehat tani.”
Për shkak të incidentit, procesi i votimit u pezullua përkohësisht, por pas normalizimit të situatës, ai vijoi pa probleme të tjera. Ky është i disati rast që denoncohet për fotgrafim të votës, një veprim i ndaluar i cili dënohet sipas ligjit.
