Një sherr mes dy personave pranë një qendre votimi në Fushë Milot ka përshkallëzuar në përdorimin e armëve.
Ngjarja ka ndodhur në qendrën e votimit 0871, në Shkollën 9-vjeçare “28 Nëntori”, ku dy persona, Kastriot Preng Perdoda dhe Astrit Lleshi, janë përfshirë në një konflikt që ka nisur me një debat verbal dhe ka përfunduar jashtë perimetrit të sigurisë.
Sipas informacioneve të para, Kastriot Perdoda dyshohet se ka shtënë një herë në ajër me armë zjarri.
Autoritetet po punojnë për sqarimin e plotë të ngjarjes dhe përcaktimin e rrethanave të saj.
