Një aksident automobilistik ka ndodhur pasditen e kësaj të premte, rreth orës 19:00, në rrugën e Drilonit në Pogradec, ku një automjet tip “Mitsubishi” ka përplasur një këmbësore 73-vjeçare, Z. D., banuese në Pogradec.
E moshuara ka mbetur e plagosur dhe është transportuar menjëherë në spital, ku po merr ndihmë mjekësore. Fatmirësisht, ajo ndodhet jashtë rrezikut për jetën.
Drejtuesi i automjetit, shtetasi K. L., është shoqëruar në komisariat për veprime të mëtejshme, ndërkohë që grupi hetimor, nën drejtimin e Prokurorisë, po punon për të zbardhur shkaqet dhe rrethanat e aksidentit.
