Një zjarr ka përfshirë një barakë në fshatin Mesul të Pukës, në njësinë administrative Gjegjan, duke shkaktuar dëme të mëdha materiale. Ngjarja ndodhi në orët e pasdites, kur flakët përfshinë objektin që shërbente si kuzhinë verore dhe strehë për disa kafshë.
Si pasojë e zjarrit, janë djegur një lopë dhe dy dhi që ndodheshin brenda godinës, ndërsa pjesa e barakës e përdorur për gatim është shkatërruar plotësisht. Fatmirësisht, nuk ka pasur persona të lënduar.
Falë reagimit të shpejtë të banorëve dhe ndërhyrjes së zjarrfikësve, u arrit të parandalohej përhapja e zjarrit në dy banesat përreth. Autoritetet lokale kanë nisur hetimet për të përcaktuar shkakun e zjarrit, ndërsa dëmet materiale mbeten të konsiderueshme.
