Shefi i Shërbimit Zjarrfikës në Libohovë, Eduart Zejneli, është parë të marrë pjesë në një mbledhje elektorale të organizuar nga kandidatë të Partisë Socialiste, mes tyre edhe Mirela Kumbaro.
Pjesëmarrja e një funksionari të këtij niveli në aktivitete politike ngre pikëpyetje mbi respektimin e parimit të paanshmërisë që duhet të garantojnë shërbimet publike, sidomos në periudha zgjedhore.
Ligji shqiptar për administratën publike ndalon përdorimin e funksioneve shtetërore për qëllime politike apo elektorale gjatë ushtrimit të detyrës.
Nuk dihet nëse Zejneli ka marrë pjesë në cilësi personale apo zyrtare, por prania e tij ka ngjallur reagime në komunitet, veçanërisht në kontekstin e ndjeshmërisë së fushatave zgjedhore.
