Një sherr i rëndë ka ndodhur mbrëmjen e së shtunës në Bilisht dhe i përfshirë ka qenë deputeti i Partisë Demokratike, Bledjon Nallbati.
Ngjarja ka ndodhur në një nga kryqëzimet kryesore të qytetit, ku Nallbati, së bashku me vëllain e tij, po udhëtonte me makinë dhe dyshohet se i ka zënë rrugën një kamioni.
Sipas burimeve paraprake, konflikti ka nisur për shkak të një parakalimi dhe më pas ka degraduar në konfrontim fizik.
Pamjet e siguruara nga kamerat e sigurisë tregojnë momentin kur deputeti Nallbati ngjitet mbi kabinën e kamionit dhe godet me grushte drejtuesin e tij, por është ndaluar nga kalimtarët e rastit.
Të tre personat e përfshirë në incident janë shoqëruar në Komisariatin e Policisë për zbardhjen e plotë të ngjarjes. Deri tani nuk ka një deklaratë zyrtare nga deputeti apo nga Partia Demokratike lidhur me incidentin.
