Agron Malaj do të njihet në histori si gardisti i famshëm i 21 Janarit pavarësisht pozicionit partiak që do të ketë me Rilindjen.
Pasi la postin e kryebashkiakut të Matit për t’u futur në listat e kandidatëve për deputetë në parlament, fushatën e ka nisur me tytën e gabuar.
Në disa sekonda përplasje me realitetin dhe kalendarin, Malajn duket se e përndjek viti i masakrës në bulevard.
Ai më pas u vetëkorrigjua, duke thënë “zgjedhjet e 11 majit 2025”. Duket se hijet e së shkuarës e ndjekin ende këmba-këmbës Malajn…
Më 21 Janar 2011, pikërisht nga radhët e gardistëve ku Malaj shërbente, u qëllua mbi protestuesit e opozitës së atëhershme Partisë Socialiste. Katër qytetarë humbën jetën në Bulevard, në atë që historia e njeh si një nga ditët më të zeza të tranzicionit të pushtetit.
