Një qytetare nga Tirana ka shprehur mirënjohjen për një grup efektivesh të zjarrfikëses, që ndërhynë menjëherë për të shpëtuar një mace të bllokuar prej dy ditësh në një pemë në zonën e Myslym Shyrit.
Në pamjet e siguruara nga JOQ Albania, një zjarrfikës shihet duke u ngjitur me shkallë në vendin ku ndodhej macja. Ai e merr dhe mes duartrokitjeve të të pranishmëve, ua dorëzon disa personave që po prisnin poshtë.
“Pershendetje, kjo macja kishte dy dite ne peme. Sa lajmëruam zjarrfikësen erdhi direkt, ne Myslym Shyr. Faleminderishume per punën e zjarrfikseve, njerëz me zemer te madhe”, shkruan qytetarja.
Ky rast duhet të shërbejë si një mesazh për të gjithë, që të tregojmë më shumë përkujdesje ndaj kafshëve të pafajshme.
