Të tjera detaje janë zbuluar lidhur me ngjarjen e rëndë të ndodhur paraditen e sotme në qytetin e Shkodrës, ku një turist amerikan vrau bashkëjetuesen e tij.
Brando Saporito 57-vjeç, autori i krimit, shihet në foto teksa del nga banesa ku ndodhi ngjarja dhe shoqërohet nga infermierët dhe policia. Saporito shihet i veshur me rroba të brendshme, teksa në trup është i gjakosur.
Sipas policisë, në momentin që ka kryer krimin me një thikë që kishte në banesën e marrë me qira, ai ka dëmtuar lehtë dhe duart e tij, për këtë arsye është shoqëruar në spital dhe ndodhet jashtë rrezikut për jetën.
Ngjarja e rëndë ndodhi rreth orës 10:15 në rrugën “At Shtjefën Gjeçovi”, në banesën që çifti amerikan kishte marrë me qira. Viktimë e kësaj ngjarje mbeti 53-vjeçarja me inicialet S. S.
