Shumë qytetarë kanë zgjedhur edhe këtë vit ta festojnë 1 majin në Parkun e Gërmisë në Kosovë. Mirëpo ndryshe nga vitet e kaluara, sivjet, qytetarët festuan dhe kur u larguan pastruan ambientin.
Pamjet tregojnë se parku është po aq i pastër, sa ishte para se qindra qytetarë të mbërrinin për të shijuar ditën me diell në natyrë.
Ky gjest është për t'u marrë shembull. Shumë qytetarë ia dolën të shkonin, ndonëse ishin njoftuar se nuk do të lejoheshin automjetet.
