Një denoncim shqetësues ka mbërritur së fundmi në redaksinë tonë, ku raportohet për një qytetar në Shkodër që qëndron i shtrirë në mes të rrugës. Ngjarja ka ndodhur pranë sheshit të ish-5 Heronjve, ku burri shihet i shtrirë mbi asfalt, pa shfaqur asnjë shqetësim.
Megjithëse pranë tij kalojnë automjete dhe këmbësorë, askush nuk ndalet për t’i ofruar ndihmë apo për të pyetur mbi gjendjen e tij. Sipas qytetarit që ka raportuar situatën, burri nuk reagon fare dhe mund të ketë probleme me shëndetin mendor.
“Përshendetje! Ne mes te qytetit te Shkodres, tek ish 5 heronjt, nje zoteri qendron i shtrire mes trafikut. Askush nuk reagon. Duket qe zoteria vuan nga shendeti mendor!”, shkruan denoncuesi.
Përveç rrezikut për jetën e tij, prania e burrit në rrugë përbën gjithashtu një kërcënim serioz për aksidente. Autoritetet duhet të ndërhyjnë sa më parë për të shmangur ndonjë tragjedi të mundshme.
