Alpi, vogëlushi i denoncuar i zhdukur në JOQ nga familja e tij gjatë ditës së sotme, është gjetur dhe ndodhet në gjendje të mirë shëndetësore.
Alpi ishte raportuar i humbur rreth orës 15:00 në qytetin e Gjilanit. Familjarët, në përpjekje të dëshpëruara, kërkuan ndihmën e shqiptarëve të Shqipërisë e Kosovës përmes platformës JOQ Albania, duke iu drejtuar kujtdo për ndihmë.
Pas disa orësh kërkimesh intensive, 8-vjeçari që vuan nga spektri i autizmit është ribashkuar me familjen e tij, duke sjellë lehtësim dhe gëzim të madh për familjarët e të afërmit.
