Në një tjetër denoncim që ka mbërritur në redaksinë tonë, një qytetar ka raportuar se fëmijët e klasës së dytë janë ftuar në një takim me Kryeministrin Edi Rama, të dielën, në orën 9:30 në Lungomare, Vlorë. Sipas këtij denoncimi, aktiviteti është paraqitur si një ngjarje e zakonshme, por dyshohet se është një mundësi tjetër për promovimin politik të partisë.
Përveç fëmijëve, edhe prindërit janë ftuar të marrin pjesë, duke krijuar dyshime se ky aktivitet mund të ketë një qëllim politik dhe nuk është thjesht një ngjarje argëtuese apo edukative për fëmijët.
Në mesazhin e dërguar, thuhet gjithashtu se mësuesit janë angazhuar për të çuar fëmijët në këtë aktivitet dhe dyshohet se mund të jenë të detyruar të marrin pjesë. Disa qytetarë kanë shprehur shqetësimin se fëmijët, që në këtë rast janë ftuar të shoqërohen nga prindërit, janë të detyruar të marrë pjesë në një ngjarje që duket të jetë e lidhur ngushtë me politikën, duke shkelur mundësinë për t’u përfshirë në aktivitete arsimore ose kulturore të tjera.
Ky aktivitet pritet të zhvillohet te sheshi pranë lodrave, ku vitin e kaluar janë zhvilluar Karnavalet, dhe në këtë moment ka shkaktuar shqetësime të qytetarëve që dyshojnë se fëmijët po përdoren për agjenda politike.
Redaksia jonë apelon për hetimin e këtyre aktiviteteve dhe kërkon që autoritetet të ndërmarrin masa për të siguruar se fëmijët dhe prindërit nuk po shfrytëzohen për fushata politike.
Denoncimi
Edhe femijet e klases se dyte i cuan sot Edi Rames!
Gjasme aktivitet te dielen dhe mesuesit te angazhuar apo te detyruar
