Një denoncim ka mbërritur në redaksinë tonë nga një qytetare, e cila ka raportuar një situatë të paprecedentë që ka ndodhur sot në Vlorë, kur Kryeministri Edi Rama ka zhvilluar një takim. Sipas denoncimit, studentët janë kërcënuar për të marrë pjesë në takim, dhe në të kundërt, ata janë paralajmëruar për pasoja në mungesat e lëndëve dhe mundësinë e moskalimit të provimeve.
Takimi, i cili është mbajtur sot në orën 10:00 në Teatrin e Vlorës, është prezantuar si një ngjarje e zakonshme, por studentëve nuk u është thënë që ishte Kryeministri Rama që do të merrte pjesë. Disa studentë kanë ndarë shqetësimin e tyre, duke theksuar se u është bërë presion të merrnin pjesë, duke iu kërcënuar se do të ndëshkoheshin nëse nuk ishin të pranishëm.
Ky denoncim ka shkaktuar shqetësim për mundësinë e abuzimit me autoritetin dhe presionin ndaj studentëve për pjesëmarrjen në aktivitete politike, duke i shndërruar ata në pjesë të një agjende partiake.
Redaksia jonë ka marrë këtë denoncim dhe apelon që autoritetet të verifikojnë situatën dhe të sigurojnë që studentët të jenë të mbrojtur nga çdo formë presioni.
Denoncimi
"Pershendetje,
Dua te denoncoj nje rast se cfare ne studenteve sa her qe vjen edi rama ne Vlore.
Sot Edi Rama ai gjatoshi ka qene ne Vlore takim me patronazhistet dhe na kercenojne nese nuk marrim pjese me mungesa ne lende dhe mos marrjen e provimeve.Dhe nuk na thone qe eshte Edi Rama.takimi ishte sot te teatri ne oren 10"
