Ish-kryetari socialist i Bashkisë së Kavajës, Elvis Roshi, është shfaqur skuthçe, i maskuar me kapuç të mos e njohin, në një aktivitet elektoral të mbajtur mbrëmjen e djeshme nga Sali Berisha në Kavajë.
Në një foto të shpërndarë në rrjet, Roshi dallohet mes mbështetësve të Berishës, i mbështjellë me një kapuç në kokë dhe kostum sportiv si qytetar i thjeshtë demokrat.
Roshi, i larguar nga politika në kuadër të ligjit të dekriminalizimit, duket se ka nisur të angazhohet hapur në fushatën e Partisë Demokratike. Sipas raportimeve, arsyeja e afrimit të tij me PD-në lidhet me përfshirjen në listat e hapura të demokratëve të kushëririt të tij, Elton Roshi, në zonën e Kavajës.
Për këtë zhvillim ka reaguar për herë të parë edhe kryeministri Edi Rama gjatë një mitingu elektoral në Elbasan. “Kur ishte kryebashkiak ishte kriminel. Tani e ka marrë këneta,” u shpreh Rama, duke ironizuar rikthimin e Roshit në skenën politike.
