Të jesh punonjës policie në Shqipëri shpeshherë keqkuptohet, sepse ndodh që vetë ata që duhet të garantojnë zbatimin e ligji, e shkelin atë. Jo rrallë, punonjës të policisë kapen duke vepruar në kundërshtim me detyrën që mbajnë, duke dhënë një shembull negativ për qytetarët.
Një rast i tillë është denoncuar së fundmi nga një qytetar që punon si taksist në Tiranë. Ai ka dërguar një video ku tregon se një automjet tip “Mercedes-Benz” me targa “AB 509 HX” është parkuar gabimisht në një vend të rezervuar për taksitë. I zemëruar, ai afrohet për të parë më nga afër dhe vëren se në xhamin e makinës ndodhet stema e një punonjësi policie. Më tej ai tregon se makina nuk ka fare targa në pjesën e pasme.
“Përshëndetje redaksia JOQ. Shikoje pak këtë mjeti. Ky s’duhet të paguajë as sigurime, asgjë. Policia e Shtetit thotë. Ja numri i telefonit, vjen na bllokon dhe vendin e taksive. Targa s’paska mbrapa fare. Çfarë bëhet kështu o burrë? Konkurrenca e paligjshme, policia për vete. Ku të hamë a si të punojmë ne?”, dëgjohet të thotë qytetari i nxehur.
Përmes mesazhit të tij, ai kërkon që autoritetet të reagojnë për këtë rast, në mënyrë që abuzime të ngjashme mos ndodhin në të ardhmen.
“Policia me makinë pa targa na zë vendin e taksive, ku të hamë ne?”
— JOQ Albania (@JoqAlbania) April 25, 2025
Të jesh punonjës policie në Shqipëri shpeshherë keqkuptohet, sepse ndodh që vetë ata që duhet të garantojnë zbatimin e ligji, e shkelin atë. Jo rrallë, punonjës të policisë kapen duke vepruar në kundërshtim me… pic.twitter.com/5gazXKvg30
