Një rast i tmerrshëm abuzimi ndaj një qeni ka ndodhur më 5 maj në Pallatet Arela.
Një qen i vogël është bërë viktimë e dhunës, pasi është abuzuar me të duke i prerë bishtin. Qeni ka nevojë urgjente për ndihmë, pasi prej disa orésh ështé duke lehur nga dhimbjet e shkaktuara.
Banorët e pallatit thonë se qeni gjithmonë ka qenë i dashur dhe ka luajtur me fëmijët në zonë, dhe ky akt i tmerrshëm abuzimi i ka shqetësuar.
Ata kërkojnë ndihmë urgjente nga autoritetet dhe ekspertët veterinerë për të siguruar kujdesin e nevojshëm për qenin dhe për të hetuar rastin.
Kjo ngjarje nxjerr në pah shqetësimin në rritje për abuzimin ndaj kafshëve, i cili ka marrë përmasa shqetësuese.
Aktivistët për të drejtat e kafshëve dhe qytetarët kërkojnë që autorët e këtij abuzimi të identifikohen dhe të ndëshkohen sipas ligjit. Ata gjithashtu kërkojnë që autoritetet të hapin kamerat e sigurisë dhe të mundësojnë hetime të shpejta për të vënë përpara drejtësisë ata që abuzojnë me kafshët.
