Një rrugë e re e ndërtuar në qytetin e Vlorës ka ngjallur reagime dhe habi mes qytetarëve për shkak të mënyrës së çuditshme të projektimit.
Në pamjet që kanë mbërritur në redaksinë tonë, shihet asfalti i saposhtruar, mbi të cilin janë kryer edhe vijëzimet përkatëse. Ndër to bie në sy një vendkalim për këmbësorët, i shënuar me vija të bardha të trasha dhe sinjalistikën përkatëse.
Por ajo që ka nxitur reagimin e qytetarëve është fakti se vijat e bardha përfundohen direkt në një trafikndarëse të pakalueshme, pa asnjë mundësi për të vazhduar më tej.
Ende nuk dihet kush ka qenë projektuesi i kësaj zgjidhjeje kaq të pakuptimtë!
"Kalimi i pengesave në rrugën e re me vija këmbësorësh. Vlora city," shkruan një qytetar me ironi.
Çudira nga Vlora, vendkalimi i këmbësorëve përplaset me barrierën
— JOQ Albania (@JoqAlbania) April 23, 2025
Një rrugë e re e ndërtuar në qytetin e Vlorës ka ngjallur reagime dhe habi mes qytetarëve për shkak të mënyrës së çuditshme të projektimit.
Në pamjet që kanë mbërritur në redaksinë tonë, shihet asfalti i… pic.twitter.com/o7S35KZlJc
