CEO i OpenAI, Sam Altman, ka zbuluar se përdoruesit që tregohen të sjellshëm me chatbot-ët e AI, duke përdorur fjalë si “të lutem” dhe “faleminderit”, i kushtojnë kompanisë dhjetëra miliona dollarë në energji dhe kohë përpunimi. Megjithatë, Altman e ka cilësuar këtë shpenzim si të vlefshëm.
Pavarësisht se mirësjellja me një makineri mund të duket e panevojshme, disa dizajnerë të inteligjencës artificiale besojnë se ndërveprimet e sjellshme mund të ndikojnë pozitivisht në cilësinë e përgjigjeve të chatbot-ëve.
Një sondazh i realizuar në fund të vitit 2024 zbuloi se 67% e amerikanëve janë të sjellshëm me chatbot-ët. Prej tyre, shumica e bëjnë këtë sepse besojnë se është mënyra e duhur për të komunikuar, ndërsa një pjesë më e vogël shpreson që kjo sjellje të përmirësojë performancën e AI.
