Një apartament në katin e shtatë të një pallati në lagjen “29 Nëntori” në Fier është përfshirë nga flakët në orët e para të mëngjesit të sotëm.
Sipas informacioneve paraprake, zjarri dyshohet të jetë shkaktuar nga një sobë e lënë ndezur nga pronarët e banesës. Si pasojë, flakët kanë përfshirë disa orendi në kuzhinë, ndërsa tymi është përhapur edhe në pjesën e jashtme të godinës, duke alarmuar banorët përreth.
Fatmirësisht, në momentin e shpërthimit të zjarrit, familjarët nuk ndodheshin në banesë dhe nuk raportohet për persona të lënduar.
Shërbimet zjarrfikëse ndodhen në vendngjarje dhe po punojnë për shuarjen e plotë të flakëve dhe për të parandaluar përhapjen e mëtejshme të zjarrit në apartamente të tjera.
