Sëmundjet kardiovaskulare janë një ndër shkaqet kryesore të sëmundshmërisë dhe vdekshmërisë edhe në Shqipëri. Mjekët vërejnë se stili i jetesës së pashëndetshme dhe kequshqyerja po ndikojnë negativisht, duke e rritur rrezikun për sëmundje zemre edhe tek moshat e reja.
Ndryshe nga më parë, sot vihet re një rritje e rasteve me infarkte edhe tek të rinjtë rreth moshës 30 vjeç. Kardiologët apelojnë për kujdes të shtuar, veçanërisht te të rinjtë, duke theksuar rëndësinë e një diete të shëndetshme, shmangies së duhanit dhe një jete aktive fizikisht.
Sipas kardiologes Mimoza Lezha, edhe fëmijët që angazhohen në aktivitete sportive duhet të kalojnë nëpër kontrolle për shëndetin e zemrës. Në muajt e fundit, janë shënuar urgjenca kardiologjike dhe humbje jete edhe tek të rinjtë, për shkak të sulmeve në zemër.
