Një qytetar nga Tirana ka raportuar për përhapjen e dy vatrave zjarri në zonën malore mbi Babrru. Përmes një videoje të dërguar në redaksi, ai i bën thirrje autoriteteve që të ndërhyjnë sa më shpejt për të shuar flakët dhe për të parandaluar përhapjen e zjarrit në gjithë malin.
“Përshëndetje, në malet lart, sipër Babrroit, janë hapur dy vatra zjarri. Duhet të fiken shpejt, se përndryshe do digjet i gjithë mali. Gjynah,” – shkruan qytetari në denoncimin e tij.
Situata paraqet rrezik real për mjedisin dhe kërkon ndërhyrje të menjëhershme nga shërbimet zjarrfikëse dhe institucionet përgjegjëse, për të shmangur dëmet e mundshme në natyrë dhe për të ruajtur ekosistemin e zonës.
