Në bulevardin “Migjeni” janë vendosur 23 kontenierë që do të shërbejnë si qendra votimi për banorët e Yzberishtit dhe Kasharit në datën 11 maj, duke bllokuar korsinë e biçikletave dhe makinave.
Ky vendim i papërshtatshëm erdhi për shkak të pamundësisë për të përdorur fushën ku më parë vendoseshin kontenierët, pasi ajo është kthyer në parkim privat. Si rrjedhojë, Komisioni Qendror i Zgjedhjeve dhe Bashkia Tiranë kanë zgjedhur rrugën si opsionin e vetëm të mbetur për vendosjen e qendrave të votimit, pa u shqetësuar për kaosin që shkaktojnë.
Edhe pse do të kenë energji elektrike, pajisje për identifikimin biometrik dhe tavolina për komisionerët, kjo nuk e justifikon vendosjen e kontenierëve në rrugë, duke penguar kalimtarët.
