Një qytetar ka raportuar një ngjarje shqetësuese në zonën e Liqenit Artificial në Tiranë, ku dy pata ishin gjetur të lidhura në pemë.
Sipas denoncimit, shpendët e pambrojtur ishin lidhur në këmbë në një trung peme, pasi dyshohet se dikush se po përpiqej t’i vidhte dhe i kishte lidhur të mos iknin.
“Dy pata të lidhura te liqeni. I lirova – dikush donte t’i vidhte,” – shkruan qytetari, i cili ndërhyri për t’i zgjidhut nga litarët.
Ngjarja ka ngritur shqetësime serioze për sigurinë dhe mirëqenien e kafshëve të zonës, si dhe për mungesën e vëmendjes nga autoritetet për raste të tilla të dhunës dhe keqtrajtimit të kafshëve.
Kërkohet reagim nga institucionet dhe më shumë ndërgjegjësim nga qytetarët. Mbrojtja e kafshëve është përgjegjësi e përbashkët, dhe çdo akt i dhunës apo abuzimi ndaj tyre duhet denoncuar pa hezitim.
