“Mësojini fëmijët të duan kafshët, jo t’i tremben, jo t’i dhunojnë”,-është ky mesazhi i një prindi para protestës kundër dhunës ndaj kafshëve.
“Ky është një qenush i rracës alabai 11 muajsh e 20 ditësh, ende klysh. Është rritur me dashuri dhe ia kthen çdo njeriu. Në këtë foto është me vajzën time, por në fakt nuk ka fëmijë para shkollës 8-vjeçare ku jetojmë që nuk e përkëdhel. Luan me macet, me qen të tjerë, me të gjithë”,-shkruan babai i vajzës së vogël.
Ky është shembulli si ndërtohet një shoqëri e ndjeshme: Duke nisur nga fëmijët, nga familja, nga dashuria që kultivohet për këto qenie të pambrojtura.
Dhuna ndaj kafshëve nuk është thjesht një akt i turpshëm, është pasqyrë e një shoqërie që ka humbur ndjeshmërinë.
