Një aksident i dyfishtë është raportuar pak minuta më parë në Has, ku si pasojë dy persona kanë mbetur të lënduar.
Pamjet e publikuara nga JOQ Albania tregojnë përplasjen mes dy automjeteve, një “Golf” dhe një “Benz”, në një segment rrugor të zonës. Mësohet se drejtuesi i mjetit “Golf” ndodhet në gjendje të rëndë shëndetësore, ndërsa një person tjetër ka pësuar dëmtime të lehta.
Deri në momentin e raportimit, policia dhe ambulanca nuk kanë mbërritur ende në vendin e ngjarjes. Ndihma e parë po u ofrohet të lënduarve nga qytetarë të rastësishëm, të cilët kanë ndërhyrë për t’i ndihmuar për sa munden.
