Një aksident i rëndë rrugor është shënuar mëngjesin e kësaj të enjteje në urën e Tapizës, ku dy automjete janë përplasur me njëra-tjetrën. Si pasojë e përplasjes së fortë, një këmbësore ka humbur jetën.
Ngjarja ka ndodhur rreth orës 6 të mëngjesit. Edhe pse ndërhyrja e ambulancës ka qenë e menjëhershme, ndihma ka rezultuar e kotë, pasi e moshuara – identiteti i së cilës ende nuk është bërë i ditur për shkak se nuk ka qenë e pajisur me dokumente identifikimi – ka ndërruar jetë në vend.
Dy drejtuesit e mjeteve të përfshirë në aksident janë ndaluar dhe po merren në pyetje nga autoritetet për të zbardhur plotësisht dinamikën e ngjarjes dhe rrethanat e sakta dhe shkaqet që çuan në ngjarjen tragjike.
Policia ndodhet në vendin e ngjarjes dhe ka nisur hetimet për zbardhjen e plotë të aksidentit.
