Banorët e fshatit Vashtemi kanë ngritur zërin kundër asaj që ata e quajnë “mashtrim elektoral” nga ana e kryetarit të Bashkisë Maliq, Gëzim Topçiu.
Në një mesazh të dërguar për redaksinë, një banore shprehet e zhgënjyer nga mënyra se si u paraqit inaugurimi i një rruge, që sipas saj, është thjesht një “show” për rrjetet sociale.
“Para disa ditësh erdhi Gezim Topçiu dhe inauguroi ‘rrugën e re’. Po ju dërgoj fotot e postuara prej tij dhe ato që tregojnë realitetin – vetëm 10 metra rrugë të shtruar, sa për të bërë një foto për fushatë,” shkruan ajo.
Në të njëjtën kohë, kryetari Topçiu publikoi në rrjetet sociale një postim ku shkruan: “Këtë të dielë inspektim punimesh për asfaltimin e lagjjes së shkollës. Çdo ditë në punë!” Por banorët pretendojnë se ky aktivitet nuk përfaqëson gjendjen reale në terren.
Ky nuk është rasti i parë që banorë të fshatrave të ndryshme në bashkinë e Maliqit ankohen për mungesën e investimeve bazë, si rrugët. Sipas tyre, rrugët janë shpesh të mbuluara me baltë, me gropa dhe të pakalueshme, edhe pse Topçiu është në mandatin e tij të shtatë si kryetar bashkie.
Banorët kërkojnë që institucionet të marrin masa për të garantuar investime të vërteta dhe jo propagandë në rrjete sociale.
Banorët e fshatit Vashtemi kanë ngritur zërin kundër asaj që ata e quajnë “mashtrim elektoral” nga ana e kryetarit të Bashkisë Maliq, Gëzim Topçiu.
— JOQ Albania (@JoqAlbania) April 16, 2025
Në një mesazh të dërguar për redaksinë, një banore shprehet e zhgënjyer nga mënyra se si u paraqit inaugurimi i një rruge, që sipas… pic.twitter.com/hepGiuAKp9
